“გთხოვთ, ბიჭს ნუ დააჩქარებთ” – “ბარსას” ფანები ფიქრობენ, რომ ანსუ ფატისთვის გუნდის ლიდერობა ადრეა

ფანები ამჟამად ფიქრობენ, რომ ფატი, მასზე ამხელა პასუხისმგებლობის დასაკისრებლად, ზედმეტად ახალგაზრდაა.

“ის ჯერ კიდევ სარეზერვო ძალას წარმოადგენს ჩვენთვის და ჯერ კიდევ ბევრი რამ აქვს სასწავლი. გთხოვთ, ნუ აჩქარებთ ბიჭს.”

“ზოგჯერ თქვენი შეკითხვები სასაცილოდ ჟღერს. ჩვენ ვიცით, რომ ანსუ განვითარდება და უკეთესი მოთამაშე გახდება, თუმცა “ბარსელონასთვის” ასეთი რისკი საშიშია, გუნდს ტოპ კლასის ფეხბურთელები სჭირდება.”

“ფატი ჯერ კიდევ ძალიან ახალგაზრდაა და განვითარების პროცესში იმყოფება. იყიდეთ ლაუტარო და ნეიმარი და მიეცით ფატისა და დემბელეს მათგან სწავლის საშუალება”.

“გოლების გასატანად და ტიტულების მოსაგებად, შემტევი ხაზი საკმაოდ სოლიდური უნდა იყოს. თუმცა, არ დაგავიწყდეთ ნახევარდაცვა, რაკიტიჩი და ვიდალი გასაყიდები არიან, მათ ნაცვლად კი ფაბიან რუისი უნდა მოვიყვანოთ. მიეცით კარლეს ალენიას დარჩენის საშუალება და დააწინაურეთ რიკი პუჩი.”

“ლაუტაროსა და ანსუ ფატის არანაირი საერთო არ აქვთ ერთმანეთთან. ფატი ახალგაზრდა და ფანტასტიკური ტალანტია, ლაუტარო კი აგრესიული და გოლებზე დაგეშილი ფორვარდი.”

ეს კომენტარები Tribuna.com-ის მომხმარებლებს ეკუთვნის.

მისთვის პირველივე კარიერულ სეზონში ანსუ ფატიმ 24 მატჩში მიიღო მონაწილეობა, მან 5 გოლს და 1 საგოლე გადაცემას მოუყარა თავი. აღსანიშნავია, რომ 17 წლის ფეხბურთელს შანსი პირველივე გუნდში ისე მიეცა, რომ “ბარსას” სარეზერვო გუნდში თამაში არც კი მოუწია.