რატომ ექცევა “ბარსელონა” ცუდად ვალვერდეს?

“ატლეტიკოსთან” მარცხის შემდეგ, პრესაში ძალიან ხშირად იწერება ერნესტო ვალვერდეს გათავისუფლების შესახებ, რაც “ბარსას” მხრიდან არასწორი საქციელია.

გასული სეზონის ბოლოს, ვალვერდეს გუნდმა ჯერ “ლივერპულთან” გაანიავა ძალიან დიდი უპირატესობა და ჩემპიონთა ლიგის ფინალს მიღმა დარჩა, შემდეგ კი ესპანეთის თასის ფინალში “ვალენსიასთან” დამარცხდა.

ყველასთვის გასაკვირად, “ბარსელონამ” მთავარ მწვრთნელს ნდობა გამოუცხადა და კიდევ 1 სეზონით დატოვა გუნდში.

თუ კატალონიელებს ერნესტოს გათავისუფლება სურდათ, მაშინ ზაფხულშივე უნდა ემოქმედათ. “ატლეტიკოსთან” მარცხი ის მიზეზი არაა, რატომაც შეიძლება მწვრთნელი დაითხოვო, მითუმეტეს თუ ის ესპანეთის ჩემპიონატის ლიდერია და ჩემპიონთა ლიგაზეც აგრძელებს ასპარეზობას.

თუმცა, თუ კატალონიაში ფიქრობენ, რომ “ატლეტიკოსთან” მარცხი მიუტევებელია და ამას ვერაფრით ვერ აპატიებენ მთავარ მწვრთნელს, მაშინ ჯერ ერნესტო უნდა გაეთავისუფლებინათ და შემდეგ დაეწყოთ ახალ მწვრთნელზე ზრუნვა.

ამ მხრივაც “ბარსელონა” არასწორად ექცევა ვალვერდეს, ამის მიზეზი ისაა, რომ კატალონიელებს ეშინიათ, შესაბამისი შემცვლელი ვერ იპოვონ. ასეთ შემთხვევაში, კვლავ ნდობას გამოუცხადებდნენ ერნესტოს და “ერთგულების ფიცს” აღუთქვამდნენ.

ესაა მთავარი მიზეზი, რატომაც ჩავი უარს ამბობს “ბარსელონას” ახლა ჩაბარებაზე. მას არ უნდა ფილმში ცუდი ადამიანის როლი ითამაშოს და ასე დაიკავოს “ბარსას” მთვარი მწვრთნელის პოსტი.

“ბლაუგრანა” ვალვერდეს დაახლოებით ისე ექცევა, როგორც “მონაკო” მოექცა ლეონარდო ჟარდიმს.