საფეხბურთო ვიქტორინაში ისევ “ბარსელონას” ფანკლუბი იგებს

საფეხბურთო ვიქტორინა Me12 Motamashe / მე-12 მოთამაშე-ზე “ბარსელონას” ფანკლუბის დომინირება გრძელდება.

გუშინ, ზამთრის სერიის მე-2 ტური გაიმართა, რომელიც, პირველის მსგავსად, “ბლაუგრანას” გამარჯვებით დასრულდა.

“ბარსელონას” ოფიციალური ფანკლუბის გუნდმა შესაძლო 75 ქულიდან 51 აიღო და მე-2 ადგილზე გასულ “ამბროზიანას” 4 ქულით აჯობა.

ამ მოგებით, “ბლაუგრანამ” საერთო ჩათვლაში ლიდერობა გაიმყარა და უახლოეს მდევარს ახლა უკვე 13 ქულით უსწრებს.

შეგახსენებთ, რომ “ბლაუგრანა” პირველი სეზონის ჩემპიონი და მე-2 სეზონის ვიცე-ჩემპიონია.

მე-2 ტურში “ბლაუგრანას” შემადგენლობა ასეთი იყო: ილო ბაბუხადია, გიორგი ანთაძე, ანდრია პროსტოსერდოვი, მიხეილ ზაქარეიშვილი, ტატო ბაციკაძე.