“ბარსელონამ” “დორტმუნდი” დაამარცხა და ჯგუფში პირველი ადგილი გაინაღდა

UEFA-ს ჩემპიონთა ლიგის მე-5 ტურში, “ბარსელონამ” “კამპ ნოუზე” დორტმუნდის “ბორუსიას” უმასპინძლა. 

პირველი ტაიმი კატალონიელებმა დამაჯერებლად მოიგეს – ლუის სუარესმა და ლიონელ მესიმ, 29-ე და 33-ე წუთებზე, გოლები და ასისტები გაცვალეს. 67-ე წუთზე, მესის კიდევ ერთი საგოლე გადაცემით ანტუან გრიზმანმა ისარგებლა, რომელმაც მიმდინარე სეზონში, ჩემპიონთა ლიგაზე, პირველი გოლი გაიტანა. 

ათ წუთში, ცვლილებაზე გამოსულმა ჯეიდონ სანჩომ სხვაობა შემაცირა, მაგრამ “დორტმუნდმა” დარჩენილ დროში მეტის გაკეთება ვეღარ მოახერხა. საბოლოო ანგარიში – 3:1. 

F ჯგუფს “ბარსელონა” 11 ქულით ლიდერობს. მეორე და მესამე ადგილს 7-7 ქულით მილანის “ინტერი” და “ბორუსია” იყოფენ, შემდეგი კი 2 ქულით “სლავიაა”, რომელმაც ჯგუფიდან გასვლის შანსი დაკარგა. 

უმოტივაციო “ბარსა” ბოლო ტურში სტუმრად “ინტერს” დაუპირისპირდება.