“რეალმა” და “ატლეტიკომ” ქულები დაკარგეს – “ბარსა” ისევ ლიდერია [ვიდეო]

ლა ლიგის მე-11 ტური “ბარსელონასთვის” წარუმატებელი გამოდგა (1-3 “ლევანტესთან”), მაგრამ კატალონიელებს გაუმართლათ და სატურნირო ცხრილის სათავეში მაინც დარჩნენ. 

მადრიდის “რეალმა”, რომელსაც შეეძლო, პირველი ადგილი დაეკავებინა, ქულები “ბეტისთან” დაკარგა. გუნდების დაპირისპირება გოლის გარეშე დასრულდა. 

ახლა, “ბარსას” და “რეალს” 22 ქულა აქვთ, თუმცა ბურთების სხვაობის მიხედვით წინ ერნესტო ვალვერდეს გუნდია (“ბარსას +18 აქვს, “რეალს” კი +15). 

მე-3 და მე-4 ადგილს “ატლეტიკო” და “სევილია” იყოფენ, რომელთა შეხვედრაში გუშინ ფრე, 1-1 დაფიქსირდა. ამ კლუბებს აქვთ 21-21 ქულა, მაგრამ “ბარსელონასა” და “რეალზე” ერთით მეტი ჩატარებული შეხვედრა.