რატომ ცდილობს ბართომეუ ნეიმარის დაბრუნებას?

მოგეხსენებათ, “ბარსელონა” ნეიმარის დაბრუნებასთან ძალიან ახლოსაა. პრესაში გავრცელებული ინფორმაციით, “ბლაუგრანა” ფეხბურთელში, რომელმაც ორი წლის წინ კლუბთან კონტრაქტი ცალმხრივად გაწყვიტა, სასამართლოში უჩივლა და “პარი სენ-ჟერმენში” ახალი გამოწვევებისთვის გადავიდა, თავის ორ ფეხბურთელსა (ფილიპე კოუტინიო და ივან რაკიტიჩი) და 100 მილიონ ევროს თმობს.

“ბარსელონას” პრეზიდენტი, ჟოზეპ მარია ბართომეუ მზადაა, დაივიწყოს მისი განცხადებები იმის შესახებ, რომ ნეიმარის წასვლის შემდეგ, კლუბი აქცენტს “ლა მასიაზე” გააკეთებდა და მზადაა, დაივიწყოს ნეიმარის დამცინავი განცხადებები მის მიმართ, რათა “ბარსელონას” ვეტერან ფეხბურთელებს გასახდელში თავიანთი ძველი მეგობარი დაუბრუნოს და ამით თავისი თანამდებობა რაც შეიძლება დიდხანს შეინარჩუნოს.

ერთ-ერთი ყველაზე გავლენიანი გამოცემის, RAC1-ს ცნობით, “ბარსელონას” სპორტული განყოფილება ტრანსფერის საჭიროებას ვერ ხედავს და კლუბის ფინანსური დეპარტამენტი მიიჩნევს, რომ ბრაზილიელი ფეხბურთელის დაბრუნება ძალიან დიდ რისკებთანაა დაკავშირებული (ფინანსურ რისკებთან), თუმცა ბართომეუს ეს არ აღელვებს. როგორც ჩანს, ნეიმარის ტრანსფერით პრეზიდენტი აპირებს, ფანებს ჩემპიონთა ლიგაზე კლუბის სამარცხვინო გამოსვლები დაავიწყოს (“რომა” და “ლივერპული”).

შეგახსენებთ, რომ “ბარსელონას” საპრეზიდენტო არჩევნები 2021 წელს არის დაგეგმილი. ბართომეუმ მზადება უკვე დაიწყო…