ბრაზილიამ პერუ გაანადგურა და ჯგუფში პირველი ადგილი დაიკავა [ვიდეო]

კოპა ამერიკის A ჯგუფში, მესამე ტურის მატჩები გაიმართა. მასპინძელმა ბრაზილიის ნაკრებმა, რომელშიც “ბარსელონას” ყველაზე მეტი წარმომადგენელი ჰყავს, სან პაულოში შეხვედრა პერუსთან ჩაატარა. 

[media=https://www.youtube.com/watch?v=RL075_VAK04]

გოლები კაზემირომ, რობერტო ფირმინომ (მეკარის შეცდომის შემდეგ), ევერტონმა (შორეული დარტყმით), დანი ალვესმა (კარგი კომბინაციის შემდეგ) და ვილიანმა (ასევე შორეული დარტყმით) გაიტანეს – 5:0. მატჩის ბოლოს, გაბრიელ ჟეზუსმა თერთმეტმეტრიანი ვერ გამოიყენა. 

არტურმა მოედანზე 90 წუთი გაატარა, ფილიპე კოუტინიო კი მწვრთნელმა 77-ე წუთზე შეცვალა. 

პარალელურად, ვენესუელამ ბოლივიას 3-1 მოუგო. 

შედეგად, ჯგუფში პირველი ადგილი ბრაზილიამ 7 ქულით დაიკავა, მეორეზე კი 5 ქულით ვენესუელა გავიდა. ბოლივიას 0 ქულა დარჩა, პერუს კი 4 ქულა და -3 ბურთების სხვაობა აქვს და B და C ჯგუფების შედეგებს დაელოდება. 

ტურნირის 1/4 ფინალში ბრაზილია B ან C ჯგუფის მესამე ადგილზე გასულ გუნდს დაუპირისპირდება.