“ბარსელონა” “ატლეტიკოს” კიდევ ერთი ფეხბურთელის დამატებაზე ფიქრობს

Cadena Ser-ის მიერ გავრცელებული ინფორმაციის თანახმად, “ბარსელონა” იმ გუნდებს შორის შედის, რომლებიც მადრიდის “ატლეტიკოს” ნახევარმცველის, როდრის გამოსასყიდი თანხის გადახდაზე ფიქრობენ.

როდრი 22 წლისაა. “ატლეტიკოში” ის 2018 წელს, “ვილიარეალიდან” 20 მილიონად გადავიდა. მადრიდელთა მაისურით, მიმდინარე სეზონში, ფეხბურთელმა 38 თამაში ჩაატრა და 2 გოლი გაიტანა.

ფეხბურთელის გამოსასყიდი თანხა მხოლოდ 70 მილიონი ევროა და ესპანური მედიის ცნობით, ამ თანხის სავარაუდო გადამხდელები “ბარსელონა”, “მანჩესტერ სიტი” და “ბაიერნი” არიან.