ბრაზილიელმა ლეგენდამ, რონალდომ, რომელმაც სულ რამდენიმე ხნის წინ თავისი საფეხბურთო კარიერა დაასრულა, განაცხადა, რომ მისთვის “რეალი” “ბარსას”, ხოლო მოურინიო გვარდიოლას ჯობია.
კითხვაზე, 10 წლის წინ რონალდოს არჩევანი რომ ქონოდა რომელ გუნდში ითამაშებდა, ბრაზილიელმა სწრაფადვე უპასუხა: “მადრიდის რეალი”.
“მე მადრიდში ბრწყინვალე კარიერა მქონდა. იქ ბევრი ტიტული მოვიგე, როგორც საკლუბო, ისე პირადი. რაც შეეხება “ბარსელონას”, იქ მხოლოდ 1 წელი გავატარე. მართალია ეს 1 სეზონი დაუვიწყარი იყო, მაგრამ ამის შემდეგ კლუბთან პრობლემები შემექმნა და სამუდამოდ დავშორდით ერთმანეთს. კატალონიელთა მწვრთნელი ბობი რობსონი იყო და ნამდვილად არ წარმოვიდგენდი, თუ მისი დამხმარე ჟოზე მოურინიო ცხოვრებაში ამდენს მიაღწევდა.” –განაცხადა “ელ ფენომენომ”.
შეგახსენებთ, რომ ლუის ნაზარიომ თავის კარიერაში (ბრაზილიის ნაკრების ჩათვლით) სულ 620 შეხვედრა ჩაატარა და 420 გოლის გატანა მოახერხა. ეს მართლაც ბრწყინვალე შედეგია.
