სევილია – ბარსელონა: იცით თუ არა რომ…

დღეს, 31 მარტს, ლა ლიგის 29-ე ტურში “რამონ სანჩეს პისხუანზე” “ბარსელონა” “სევილიას” ესტუმრება. წარმოგიდგენთ რამდენიმე საინტერესო ფაქტს ამ გუნდების დაპირისპირების შესახებ.

• თამამად შეიძლება ითქვას, რომ “ბარსელონა” ლა ლიგის მიმდინარე გათამაშების ცალსახა ფავორიტია. “სევილიას” მიზანი ერნესტო ვალვერდეს კოლექტივის წაუგებელი სერიის შეწყვეტა იქნება, რომელიც 29 შეხვედრას ითვლის.
• მიმდინარე სეზონში ეს გუნდები ერთმანეთის წინაამღდეგ მინიმუმ ერთხელ კვლავ ითამაშებენ. “სევილია”-“ბარსელონას” დაპირისპირება 21 აპრილს, სამეფო თასის ფინალში შედგება.
• ესპანეთის ჩემპიონატში განცდილი ზედიზედ ორი მარცხის შემდეგ (“ვალენსია”, “ლეგანესი”) “სევილია” სამი ქულის მოპოვებასა და მეხუთე ადგილზე მყოფ “ვილიარეალზე” ზეწოლის მოხდენას შეეცდება, რომელიც ანდალუსიურ კლუბს მხოლოდ 2 ქულით უსწრებს. “ბარსელონას” დღევანდელი მეტოქის აქტივში 14 გამარჯვება, 3 ფრე და 12 წაგებაა. მას 2 ქულით ჩამორჩებიან “ჟირონა” და “ბეტისი”.
• დაუმარცხებელი ლიდერები ჩავარდნის მინიშნებას არ იძლევიან (75 ქულა, 23 გამარჯვება, 6 ფრე). ერნესტო ვალვერდეს შეგირდები უახლოეს მდევარს 11 ქულით უსწრებენ და “სანჩეს პისხუანზე” გამარჯვებით ისინი უზარმაზარ ნაბიჯს გადადგამენ ქვეყნის ჩემპიონატის 25-ედ მოგებისკენ. ყველა ტურნირზე “ბლაუგრანას” ჯერჯერობით, 4-მატჩიანი მოგებათა სერია აქვს და ამ შეხვედრებში მათ 8 გოლი გაიტანეს (0 გაშვებული).
• “ბარსას” “სევილიას” წინააღმდეგ 7-მატჩიანი გამარჯვებათა სერია აქვს. ამ ორ გუნდს ერთმანეთის წინააღმდეგ 147-ჯერ უთამაშია. “ბლაუგრანას” ანგარიშზე 80 მოგება, 31 ფრე და 36 წაგებაა. ანდალუსიელებმა კატალონიელებს ბოლოს 2015 წლის ოქტომბერში სძლიეს.
• კატალონიელთა ურუგვაელმა ფორვარდმა, ლუის სუარესმა (21 გოლი, 6 ასისტი) ლა ლიგის მიმდინარე გათამაშებაში ჩატარებულ გასვლით შეხვედრებში 12-ჯერ შეძლო მეტოქის კარის აღება.
• ლა ლიგაში “სევილიას” ბომბარდირი ლუის მურიელია (სარაბიასთან) ერთად, რომელსაც 6 გოლი აქვს გატანილი.
• “ბარსამ” 29 მატჩში მხოლოდ 13 გოლი გაუშვა – ისტორიაში საუკეთესო შედეგი ტურნირის ამ ეტაპზე.

ბარსამანიაზე აგრეთვე შეგიძლია იხილოთ დღევანდელი შეხვედრის სტატისტიკური პრევიუც.