მესი გართობის სფეროში მოღვაწე ყველაზე მაღალანაზღაურებადი ლათინოამერიკელია

ცნობილმა გამოცემამ, Forbes-მა, გამოავლინა 2017 წლის ყველაზე მაღალანაზღაურებადი ლათინოამერიკელები, რომლებიც გართობის სფეროში მოღვაწეობენ.

სიას სათავეში “ბარსელონას” არგენტინელი ლიდერი ლიონელ მესი უდგას, რომელმაც 2017 წელს 80 მილიონი ამერიკული დოლარი გამოიმუშავა.

შემდეგ მოდიან კომიკოსი ლუი სი კეი (52 მილიონი), მსახიობი სოფია ვერგარა (41.5 მილიონი), მომღერალი ბრუნო მარსი (39 მილიონი), მსახიობი ჯენიფერ ლოპესი (38 მილიონი) და “ბარსელონას” ყოფილი ფეხბურთელი ნეიმარი (37 მილიონი).