ლა ლიგის მე-6 ტურის მატჩში “ბარსელონამ” “ჟირონას” დამაჯერებლად მოუგო, მაგრამ ეს თამაში გუნდის ლიდერის, ლიონელ მესისთვის გამორჩეული არ ყოფილა.
მესის მეთვალყურეობას მთელი თამაშის განმავლობაში “ჟირონას” ახალგაზრდა ფეხბურთელი, პაბლო მაფეო უწევდა, რომელიც “მანჩესტერ სიტის” საკუთრებაა და როგორც ჩანს, არგენტინელს მისი თამაში მოეწონა, რადგან მატჩის შემდეგ გამოელაპარაკა და რამდენიმე შეკითხვა დაუსვა.
“მესი ჩემთან მოვიდა და შემეკითხა თუ რამდენი წლის ვიყავი, ასევე ვიყავი თუ არა განათხოვრებული “მანჩესტერ სიტიდან”. ეს ძალიან კარგი იყო.
მე 90 წუთის განმავლობაში პირადად მის წინააღმდეგ მიწევდა თამაში და ბურთისკენ გახედვაც არ შემეძლო. ეს ფსიქოლოგიურადაც ძალიან რთულია.
მიუხედავად ამისა, თამაშის შემდეგ მაფეომ მაისური არა მესის, არამედ ტერ შტეგენს გაუცვალა. ჟურნალისტებმა მას ამის შესახებაც დაუსვეს კითხვა.
“მეგობარმა მთხოვა, მისთვის ტერ შტეგენის მაისური წამეღო. მესი მსოფლიოში საუკეთესო ფეხბურთელია, მაგრამ მთავარი მეგობრობაა,” – განაცხადა ახალგაზრდა კატალონიელმა.


მესიმ არ მოინდომა თორე აძოვევდა მთელ სტადიონზე
ტერის მაიკაზე არანაირად არ ვიტყოდი უარს მითუმეტეს მევასება მეკარეობაც და ტერიც