“ლივერპულის” მთავარი მწვრთნელი იურგენ კლოპი ფილიპე კოუტინიოსა და “ბარსელონას” შესახებ მორიგ განცხადებას აკეთებს. როგორც გერმანელის კომენტარიდან ირკვევა, ინგლისური კლუბი ბრაზილიელი შემტევი ნახევარმცველის გაყიდვას არ აპირებს.
“ვფიქრობ, არაა საჭირო მოვლენებს წინ გავუსწროთ. სიტუაცია ისეთია, როგორიც არის და ის არ შეიცვლება. სულ ესაა, რაც მე ვიცი.
ფიქრს 31 აგვისტოს შემდეგ დავიწყებთ, როდესაც სხვა ვარიანტი აღარ იარსებებს.” – ციტირებს კლოპის სიტყვებს Sky Sports.
აქამდე გავრცელებული ინფორმაციით, ფილიპე კოუტინიომ იურგენ კლოპს აცნობა, რომ ის “ლივერპულის” მაისურით თამაშს აღარ აპირებს.



