“ბარსელონა” “გუანჩჟოუ ევერგრანდის” ნახევარმცველის, პაულინიოს შეძენის ვარიანტს ჯერ კიდევ განიხილავს.
როგორც Mundo Deportivo იტყობინება, ამ დროისთვის, ბრაზილიელის აგენტი ჩინეთში იმყოფება, სადაც ის უკვე თითქმის ერთი კვირაა თავისი კლიენტის კლუბის ხელმძღვანელობასთან მოლაპარაკებებს აწარმოებს. 28 წლის ნახევარმცველის წარმომადგენელი ცდილობს “გუანჩჟოუ ევერგრანდი” სატრანსფერო ფასის დაკლებაში დაარწმუნოს, რომელიც 40 მილიონ ევროს შეადგენს. თუ ჩინური კლუბი დათმობებზე წასვლას დათანხმდება, “ბარსა” მზად იქნება პაულინიოს ტრანსფერზე მოლაპარაკებები განაახლოს.
