“არსენალის” მცველი, ექტორ ბელერინი მომდევნო კვირაში ლონდონური კლუბის ხელმძღვანელობას შეხვდება. 22 წლის ფეხბურთელი “მეთოფეებს” განუცხადებს, რომ კარიერის “ბარსელონაში” გაგრძელება სურს, იტყობინება Marca.
ახლო წარსულში “არსენალმა” “ბარსელონას” წინადადება უარყო. ახალგაზრდა განაპირა მცველის გუნდში ხილვა კატალონიელთა ახალ მწვრთნელს, ერნესტო ვალვერდეს სურს. ესპანეთის ვიცე-ჩემპიონი იმედოვნებს, რომ ექტორის მშობლიურ კლუბში დაბრუნების სურვილი გადამწყვეტ როლს ითამაშებს.
ბელერინის კონტრაქტი “არსენალთან” 2023 წლის ზაფხულამდეა გათვლილი.


