“ბარსელონა” “ბენფიკას” მარჯვენა მცველით, ნელსონ სემედუთი კვლავ ინტერესდება, რომლისთვისაც ასევე “მანჩესტერ სიტი”, “მანჩესტერ იუნაიტედი”, “ბაიერნი”, “ინტერი” და “სევილია” იბრძვიან.
როგორც Sport იტყობინება, კატალონიელებმა რამდენიმე დღის წინ ლისაბონურ კლუბთან, 23 წლის პორტუგალიელი ფეხბურთელის ტრანსფერზე მოლაპარაკებები გამართეს. “ლურჯ-ბროწეულისფერები” მასში ჰექტორ ბელერინისა (“არსენალი”) და ჟოაუ კანსელუს (“ვალენსია”) ალტერნატიულ ვარიანტს ხედავენ.
ადრე ცნობილი გახდა, რომ “ბენფიკამ” “მანჩესტერ სიტის” სემედუს ნაცვლად 40 მილიონი ევრო მოსთხოვა.



