ახლახანს დასრულდა ლა ლიგის 36-ე ტურის მატჩი “კამპ ნოუზე”, “ბარსელონასა” და “ვილიარეალს” შორის, რომელიც კატალონიური კლუბის დამაჯერებელი გამარჯვებით, 4:1 დასრულდა. ლუის ენრიკეს კოლექტივმა საშინაო არეანზე გოლების ფესტივალი მოაწყო და აქტივში მნიშვნელოვანი 3 ქულა ჩაიწერა.
“ოქროს ბუცის” მთავარმა პრეტენდენტმა, ლიონელ მესიმ დღევანდელ მატჩში მეტოქის კარში დუბლი გაიფორმა და რეიტინგში პირველი პოზიცია გაიმყარა (35 გოლი, 70 ქულა). არგენტინელთან ერთად გოლები ლუის სუარესმა და ნეიმარმაც გაიტანეს.
მოცემულ მომენტში, 84 ქულით “ბარსელონა” ლა ლიგის ლიდერია.
[media=https://www.youtube.com/watch?v=uC2gNhSAx2g]
