“იუვენტუსის” მთავარმა მწვრთნელმა, მასიმილიანო ალეგრიმ ჩემპიონთა ლიგის მეორე მეოთხედფინალურ შეხვედრასთან დაკავშირებით ჟურნალისტებს მოლოდინი გაუზიარა. როგორც იცით, პირველი მატჩი “ბებერ ქალბატონსა” და “ბარსელონას” შორის, იტალიელთა გამარჯვებით 3:0 დასრულდა.
“ბარსელონა” შეგვიტევს, რის გამოც საწყისი 30 წუთი მნიშვნელოვანი იქნება. მეტოქის კარი უნდა ავიღოთ, როგორც ეს “ნაპოლისთან” მატჩში გავაკეთეთ. ჩვენი მიზანი ორი გოლის გატანაა. საკუთარ თავში დარწმუნებულები უნდა ვიყოთ, რადგან 1/2 ფინალში გასვლა შეგვიძლია. ეს მარტივი არ იქნება.“
პაულო დიბალას დაზიანებაზე, რომელმაც “პესკარასთან” მატჩში მოედანი 54-ე წუთზე დატოვა, ალეგრიმ შემდეგი კომენტარი გააკეთა: “ვფიქრობ, შეგვიძლია ოპტიმისტურად ვიყოთ განწყობილნი.”
