როგორც იცით, “ბარსელონას” სარეზერვო გუნდმა შიდა ჩემპიონატში “ელდენსე” 12:0 დაამარცხა. დამარცხებულთა მცველი, შეიხ საედი არ გამორიცხავს, რომ ადგილი გარკვეულ შეთანხმებას ჰქონდა.
“მწვრთნელმა და ზოგიერთმა მოთამაშემ რაღაც იცოდა. თამაშის დაწყებიდან ნახევარი საათით ადრე მოედანზე უნდა გამოვსულიყავი, მაგრამ საბოლოოდ სათადარიგოთა სკამზე აღმოვჩნდი.
მატჩის შემდეგ ზოგიერთ ფეხბურთელს კინაღამ ვეჩხუბე, მაგრამ მათ დასახელებას არ ვაპირებ. საუბარი 4 თანაგუნდელზე მაქვს. “ბარსელონა ბ” აკეთებდა იმას, რაც ევალებოდა – გაჰქონდა გოლები.”-ციტირებს საედას RAC1.
“მინიესტადიზე” განცდილი კრახის შემდეგ “ელდენსემ” ჩემპიონატში გამოსვლაზე უარი თქვა.



