“მანჩესტერ სიტის” ნახევარმცველმა, იაია ტურემ განაცხადა, რომ “ქალაქელები” ჩემპიონთა ლიგის 1/8 ფინალის განმეორებით მატჩში, “მონაკოს” წინააღმდეგ ანგარიშის შესანარჩუნებლად არ იბრძოლებენ. “ბარსელონას” ყოფილი მოთამაშის აზრით, ამის გაკეთება არ შეიძლება და ამ მოსაზრებას პსჟ-სა და “ბლაუგრანას” დაპირისპირებით ამტკიცებს (6:1).
“ანგარიშის შენარჩუნებისთვის არ ვითამაშებთ, ეს არ შეიძლება. ყველამ დაინახა, თუ რა მოხდა “ბარსელონასა” და პსჟ-ს მატჩში. ეს იყო რაღაც დაუჯერებელი. “სტოკ სიტისთან” მატჩის შემდეგ გასახდელში შევედით და ვნახეთ, რომ კატალონიურმა კლუბმა 6:1 მოიგო.”-ამბობს ტურე.
