კატალონიის “ბარსელონას” ხორვატმა ნახევარმცველმა, ივან რაკიტიჩმა ლა ლიგის 22-ე ტურში “ალავესის” განადგურების (6-0) შემდეგ კომენტარი გააკეთა.
“დღეს ძალიან კარგი მატჩი გამოგვივიდა და დამსახურებული 3 ქულა მოვიპოვეთ. საბედნიეროდ, შევძელით და ჩვენი მომენტები გამოვიყენეთ.
ვიდალის ტრავმა? მან დღეს შესანიშნავი შეხვედრა ჩაატარა, თუმცა, სამწუხაროდ, ყველაფერი არასასურველი შედეგით დასრულდა. ერთი შეხედვით ტრავმა ძალიან მძიმეა, თუმცა ვიმედოვნოთ, რომ სერიოზული არ იქნება.” – განაცხადა რაკიტიჩმა.
