“ბარსელონას” ხორვატი ნახევარმცველი ივან რაკიტიჩი კლუბში მის გარშემო შექმნილ სიტუაციაზე საუბრობს და აცხადებს, რომ ლუის ენრიკესგან ახსნა-განმარტებებს არ ელის.
“15 წლის აღარ ვარ და ლუის ენრიკემ არაფერი არ უნდა ამიხსნას. ყოველდღიურად თავდაუზოგავად უნდა ვიმუშავო. მწვრთნელს ბოლომდე ვენდობი და მინდა, “ბარსელონაში” კიდევ მრავალი წლის განმავლობაში ვითამაშო.” – აცხადებს რაკიტიჩი, რომელიც, ბოლო დროს, სასტარტო შემადგენლობაში იშვიათად ხვდება.


