“ბარსელონას” მთავარი მწვრთნელი ჰანსი ფლიკი სოციალურ ქსელ Instagram-ს შეუერთდა. ოფიციალური, ვერიფიცირებული ანგარიშის გახსნიდან ერთი საათის შემდეგ გერმანელ სპეციალისტს უკვე 283 000 გამომწერი ჰყავდა, ხოლო მის პირველ პოსტს 443 000 მოწონება და კომენტარი ჰქონდა, 16 საათის შემდეგ კი გამომწერების რაოდენობა 890 ათასს აჭარბებეს.
ფლიკმა გულშემატკივრებს შემდეგი სიტყვებით მიმართა:
“გამარჯობა, კულეებო! დიდი მადლობა თქვენი მხარდაჭერისთვის. გაუმარჯოს ბარსას!”
გერმანელი მწვრთნელი ჯერჯერობით მხოლოდ 27 ანგარიშს ადევნებს თვალს. მათ შორის “ბარსელონას” ოფიციალური გვერდი და გუნდის 26 ფეხბურთელია.
ფლიკს Instagram-ზე პოპულარობის თვალსაზრისით ჯერ კიდევ დიდი გზა აქვს გასავლელი, განსაკუთრებით ლამინ იამალთან შედარებით. ახალგაზრდა ესპანელს 59.9 მილიონი გამომწერი ჰყავს, ხოლო ვარჯიშზე ქუსლით გატანილი მისი გოლის ვიდეომ ახლახან 71.7 მილიონი ნახვა დააგროვა.
საინტერესოა, რომ გულშემატკივრები ფლიკის ახალ გვერდს სატრანსფერო რჩევებისთვისაც იყენებენ. კომენტარებში აქტიურად განიხილავენ, რომელი ცენტრალური მცველის დამატება დაეხმარება “ბარსელონას” დაცვის გაძლიერებაში.
ერთ-ერთი კანდიდატი იოშკო გვარდიოლია, რომელსაც Instagram-ზე 1.9 მილიონი გამომწერი ჰყავს. ხორვატი მცველის გვერდზე განსაკუთრებული ყურადღება “მანჩესტერ სიტიში” გატანილი მნიშვნელოვანი გოლების ვიდეოებს ეთმობა. მის მიმართ სიმპათიას ლუკა მოდრიჩიც ხშირად გამოხატავს. გვარდიოლი სოციალურ ქსელში როგორც საკლუბო, ისე სანაკრებო ფოტოებს აქვეყნებს.
კიდევ ერთი განხილვადი ფეხბურთელი ალესანდრო ბასტონია. Mundo Deportivo-ს ჟურნალისტის, კრისტინა კუბეროს ინფორმაციით, იტალიელ მცველს “ბარსელონაში” გადასვლა ძალიან სურს. ავტორი ამტკიცებს, რომ დეკუს მისი ტრანსფერი უკვე შეთანხმებული ჰქონდა, თუმცა ფლიკმა საბოლოოდ კლუბის აღზრდილ ფეხბურთელებზე დაყრდნობა გადაწყვიტა.
ბასტონის Instagram-ზე 1.5 მილიონი გამომწერი ჰყავს. ფეხბურთელი ძირითადად “ინტერისა” და ოჯახის ფოტოებს აქვეყნებს.
შედარებით ნაკლებად პოპულარულია ბრაზილიელი მცველი ნატანი, რომელსაც 335 000 გამომწერი ჰყავს. მის პოსტებზე ხშირად აქტიურობს მარკ ბარტრა, განსაკუთრებით მაშინ, როდესაც ნატანი შვებულების ფოტოებს აქვეყნებს.
ამ ოთხეულში ყველაზე მეტი გამომწერი ლისანდრო მარტინესს ჰყავს – 9.4 მილიონი. არგენტინელი მცველის გვერდზე გამორჩეული ადგილი 2022 წლის მსოფლიო ჩემპიონატის მოგების აღსანიშნავ ფოტოებს უკავია.
თავის ერთ-ერთ ბოლო პოსტში ლისანდრომ არგენტინის ნაკრებიდან ლიონელ მესის გაცილების ამსახველი ვიდეო გამოაქვეყნა და თანამემამულეს ემოციური სიტყვებით მიმართა:
“მთელი გულით მიყვარხარ”.
ლისანდრო გამოცდილი ფეხბურთელია, რომელსაც არგენტინული ფეხბურთისთვის დამახასიათებელი ბრძოლისუნარიანობა და ხასიათი გამოარჩევს.
ამრიგად, ფლიკს უკვე შეუძლია Instagram-ზეც გაეცნოს ოთხი ცენტრალური მცველის, გვარდიოლის, ბასტონის, ნატანისა და ლისანდრო მარტინესის ცხოვრებას. ვინ იცის, იქნებ სოციალური ქსელი გერმანელი მწვრთნელისთვის ფეხბურთელების შესაფასებელ დამატებით საშუალებადაც იქცეს.
Instaze ar mimateb da aq mogwer: araujos da Gordons tanabari raodenobis golebi (2) aqvt axal klubebshi😆