“სპოტიფაი კამპ ნოუზე” განცდილი 1-2 მარცხის შემდეგ, “ბარსელონას” პორტუგალიელმა განაპირა მცველმა ჟოაუ კანსელუმ მატჩი თანაგუნდელებისგან განსხვავებული რაკურსით შეაფასა. მცველმა აღნიშნა, რომ კატალონიელები მოწინააღმდეგეს სჯობდნენ, თუმცა მეტოქემ მომენტების რეალიზება უმაღლეს დონეზე მოახდინა.
“ჩემი გადმოსახედიდან, მეტოქეს ვჯობდით”
კანსელუს თქმით, “რეალ მადრიდის” მთავარი სიძლიერე სწორედ ისაა, რომ მათ მინიმალური მომენტებიდანაც მაქსიმუმის გამოწურვა შეუძლიათ:
“ჩემი გადმოსახედიდან, მეტოქეს ვჯობდით, მაგრამ ეს “რეალ მადრიდია” – ცოტა მომენტი აქვთ და გოლს მაინც გიტანენ. ზოგადად, უკეთესი გუნდი ვიყავით”.
ბურთის კონტროლის აუცილებლობა და მომენტები
პორტუგალიელმა ფეხბურთელმა ტაქტიკურ ასპექტებზეც გაამახვილა ყურადღება და აღნიშნა, რომ მაღალი პრესინგის პარალელურად, გუნდს ბურთის მეტად შენარჩუნება მართებდა:
“ხშირად გვსურს მაღალი პრესინგით ვითამაშოთ, თუმცა არის მომენტები, როდესაც შეხვედრა ბურთით უნდა გააკონტროლო, რაც ჩვენი ძლიერი მხარეა – ბურთი მეტად უნდა დაგვეჭირა და სწრაფად გაგვენაწილებინა. ეს ცოტათი დაგვაკლდა, მიუხედავად იმისა, რომ “რეალ მადრიდზე” მეტი საგოლე მომენტი მაინც გვქონდა”.
მაღალ პრესინგს იბრალებენ, თუმცა მე ამას ვერ ვხედავ. პირიქით, ძალიან ხშირად აქეთ გვაპრესინგებენ საკუთარ კართან გუნდები და ბურთი ძლივს ამოგვაქვს ან ვკარგავთ.