სანაკრებო პაუზა “ბარსელონას” ფეხბურთელებისთვის წარმატებულად გრძელდება – ყურადღების ცენტრში კვლავ პორტუგალიელი მცველი ჟოაუ კანსელუ და ესპანეთის ახალგაზრდული ნაკრები მოექცნენ.
დანია 2-4 პორტუგალია
ჟოაუ კანსელუს გამარჯვება და ულამაზესი გოლი პორტუგალიის ნაკრებში. “ბარსას” განაპირა მცველმა შეხვედრა კვლავ სასტარტო თერთმეტეულში დაიწყო და ანგარიში ბრწყინვალე დარტყმით გახსნა: პარტნიორთან გათამაშებული კედელი, საჯარიმოში დროული შეჭრა და მეკარის თავზე ოსტატურად გადაგდებული ბურთი. კანსელუმ მოედანზე 63 წუთი გაატარა. ამ მოგებით პორტუგალიამ ცხრიდან 9 ქულა დააგროვა, დანიასა და ნორვეგიას 6-6 ქულით გაუსწრო და ერთა ლიგის ჯგუფში პირველი ადგილის დაკავებისკენ უდიდესი ნაბიჯი გადადგა.
სან-მარინო U21 0-13 ესპანეთი U21
ესპანეთის 21-წლამდელთა ნაკრების სანახაობრივი და გამანადგურებელი გამარჯვება მსოფლიოს ერთ-ერთ ყველაზე სუსტ ნაკრებთან. “ფურია როხამ” მეტოქე 13-0 გაანადგურა. “ბარსელონას” ახალგაზრდა მცველი ჩავი ესპარტი თამაშში შესვენების შემდეგ ჩაერთო და მეორე ნახევარი სრულად ჩაატარა, ხოლო მარკ ბერნალს სამწვრთნელო შტაბმა დასვენების საშუალება მისცა. ამ გამარჯვებით ესპანელები ჯგუფის სათავეში დაბრუნდნენ და ბოლო ტურში რუმინეთთან ფრე ან მოგება ევროპის ჩემპიონატის საგზურს ოფიციალურად გაუნაღდებთ.
forum კომენტარები (0)