პაბლო პაეს გავირამ, იგივე გავიმ, სანტანდერის “რასინგთან” მატჩის (7-2) ბოლო მონაკვეთი “სპოტიფაი კამპ ნოუს” მინდორზე გაატარა. შთამბეჭდავი გამარჯვების შემდეგ ნახევარმცველმა “ბარსელონას” გასახდელის განწყობა და მიმდინარე რიტმის შენარჩუნების აუცილებლობა შეაფასა:
“სიმართლე ისაა, რომ ძალიან კარგად ვართ. აქამდე გაწეული შრომით ძალიან კმაყოფილები ვართ, თუმცა სეზონი ძალიან გრძელია და ეს ტემპი უნდა გავაგრძელოთ. მთავარი ამ რიტმის შენარჩუნებაა. ვფიქრობ, წელს მატჩების დაწყების კომპონენტში ძალიან მოვუმატეთ: გოლები ძალიან სწრაფად გაგვაქვს, ხოლო მომენტები როცა გვაქვს – ორი იქნება თუ სამი – ბადეში მიდის. ეს ტემპი უნდა შევინარჩუნოთ, რადგან წინ ხანგრძლივი სეზონია და რაც მეტ გოლს გავიტანთ, მით უკეთესი.”
სეზონის სტარტზე მიღებული ტრავმის შემდეგ მოედანზე დაბრუნებულმა ახალგაზრდა ნახევარმცველმა განვლილ რთულ პერიოდზეც გულწრფელად ისაუბრა:
“ეს წლები ჩემთვის ურთულესი იყო, რაც ყველამ იცის, რადგან ძალიან მძიმე ტრავმები გადავიტანე. ყველა როდი ბრუნდება ამ დონეზე სათამაშოდ, როგორც მე დავბრუნდი. ამას იმიტომ გეუბნებით, რომ მუხლის ტრავმების შემდეგ დაბრუნება წარმოუდგენლად რთულია. მწვრთნელთან ერთად, მიუხედავად იმისა, რომ ამ წლებში მძიმე დაზიანებები მქონდა, მნიშვნელოვან შეხვედრებში ვითამაშე, მათ შორის შეცვლაზე გაძლიერების მიზნით შემოსვლითაც.”
აკადემიის აღზრდილმა კმაყოფილება გამოხატა იმით, რომ გუნდის წარმატებაში თავისი წვლილის შეტანას კვლავ ახერხებს.
ასეთ პიჭუ პაჭუ გუნდებთან სულ, რომ საჯარიმოსთან აწიოს დაცვა ფლიკმა მაინც 4-5 გოლს გავუტანთ და მაგათი ერთი ან ორი გოლი არაფერს შეცვლის მაგრამ იმედია ასე თამაშს არ აპირებენ დიდ გუნდებთანაც თორემ მწარედ დავისჯებით
მეც ეგრე ვფიქრობ… ოქტომბერში რა გველოდება ღმერთმა უწყის, მაგარი სანერვიულო თვე გველოდება და მერე პლეიოფებში ხო საერთოდ
კი გოლი სწრაფად გაგვაქვს და სწრაფადაც ვუშვებთ, თუ არ ვუშვებთ შჩესნი შემოდის და მაინც ვუშვებთ. თუ შჩესნი არ არის კუნდე გვყავს და საერთოდ ეს რა წესი შემოიღეს ამათ? საკუთარ საჯარიმოში მცველები რას ფინტაობენ? სად ნახეს ესეთი სისულელეები, წინაზეც ვთქვი ტექნიკური მცველი მწვრთნელის თავის ტკივილიაო, ჩვენ ალბათ ამ კომპონენტშიც ვლიდერობთ. რასაც მე მეტოქის წახალისება ჰქვია.