ჟოაუ კანსელუ: ეს ჩემს კარიერაში საუკეთესო გოლი იყო

სანტანდერის “რასინგთან” გამართულ შეხვედრაში (7-2) “ბარსელონას” გოლების წვიმა ჟოაუ კანსელუმ საჯარიმოს გარედან შესრულებული ფენომენალური გასროლით გახსნა. მატჩის დასრულების შემდეგ თავად პორტუგალიელმა აღიარა, რომ ეს მის კარიერაში ულამაზესი ბურთი გახლდათ:

“ეს ჩემს კარიერაში საუკეთესო გოლი იყო. კიდევ უფრო განსაკუთრებული კი ისაა, რომ ეს სწორედ ამ კლუბში მოხდა. წინა სეზონის დასაწყისიდანვე აქ გადმოსვლა მინდოდა. სასტარტო შემადგენლობაში თამაშის ბევრი შესაძლებლობა არ მქონია, თუმცა ყოველთვის თავდაუზოგავად ვვარჯიშობდი, რათა საჭირო მომენტში გუნდს დავხმარებოდი. მეტი თავდაჯერების მოსაპოვებლად ეს გოლი ძალიან მჭირდებოდა და ეს შევძელი. ცოტა იღბალიც აუცილებელია, თუმცა მთავარი ისაა, რომ გუნდმა გაიმარჯვა.”

პორტუგალიელმა მცველმა სეზონის სტარტზე “ბარსელონას” ბრწყინვალე ფორმის გასაღებიც დაასახელა:

“ყველა ფეხბურთელი ფიზიკურად შესანიშნავ ფორმაშია, სათამაშოდ მზად ვართ. მნიშვნელოვანია, რომ გუნდში კონკურენციაა – ეს ჯანსაღი პროცესია. ყველას ერთი მიზანი გვაერთიანებს: წელს აბსოლუტურად ყველა ტიტული მოვიგოთ. შესაძლოა ეს გამოვიდეს და ყველაფერს გავაკეთებთ ამ მიზნის მისაღწევად.”