ბარსელონას განაცხადი ლევანტესთან მატჩისთვის

“ბარსელონა” დღეს საღამოს ვალენსიისკენ გაემგზავრა, რათა “ლევანტესთან” გასვლით შეხვედრაში ლა ლიგის ერთპიროვნული ლიდერობა გაიმყაროს. ჰანსი ფლიკმა მატჩისთვის 24 ფეხბურთელი გამოიძახა – ყველა ხელმისაწვდომი მოთამაშე, გარდა ტრავმირებული ფრენკი დე იონგისა და რუნი ბარდჯისა. ახალგაზრდა ჯესი ბისივუ კი “ბარსა ატლეტიკს” დაეხმარება, რომელიც კვირას სტუმრად “ლოგრონიესს” ეთამაშება.

გერმანელ სპეციალისტს ერიკ გარსია უბრუნდება, რომელმაც ჩემპიონთა ლიგაზე “ფეიენორდთან” მატჩი დისკვალიფიკაციის გამო გამოტოვა. “მესტალიაზე” როდრისთან უნებლიე შეჯახების შედეგად მიღებული მოტეხილობის გამო, მცველი დამცავი ნიღბით ითამაშებს. ვინაიდან სამატჩო ოქმში მხოლოდ 23 მოთამაშე დაიშვება, ფლიკს შეხვედრის დაწყებამდე ერთი ფეხბურთელის ტრიბუნაზე დატოვება მოუწევს.

ბლაუგრანას თვითმფრინავი ვალენსიაში თბილისის დროით 21:30 საათის შემდეგ დაეშვება, რის შემდეგაც გუნდი სასტუმრო Westin-ში დაბინავდება, სადაც ვალენსიურ ვიზიტებზე ტრადიციულად ჩერდება ხოლმე.

შეხვედრა კვირას, 13 სექტემბერს, თბილისის დროით 18:15 საათზე “სიუტატ დე ვალენსიაზე” დაიწყება. “ბარსელონას” მიზანი სეზონის გამარჯვებების სერიის გაგრძელებაა (4-დან 4 მოგება, აქედან სამი 5-გოლიანი სხვაობით).

ბარსელონას 24-კაციანი განაცხადი

• მეკარეები: ჟოან გარსია, ვოიცეხ შჩესნი, დომინიკ ლივაკოვიჩი;
• მცველები: ჟოაუ კანსელუ, ალეხანდრო ბალდე, პაუ კუბარსი, ჩავი ესპარტი, ანდრეას კრისტენსენი, ჟერარ მარტინი, ჟიულ კუნდე, ერიკ გარსია;
• ნახევარმცველები: ბრიან ფარინიასი, გავი, ფერმინ ლოპესი, პედრი, როდრი, დანი ოლმო, მარკ ბერნალი;
• თავდამსხმელები: გაბრიელ ჟეზუსი, ლამინ იამალი, რაფინია, კარიმ ადეიემი, ენტონი გორდონი, ჰამზა აბდელკარიმი.