კუნდეს პოზიცია იცვლება და მომავალი გაურკვეველია

ჩემი აზრით ხალხის უმეტესობას ის არ ესმის რომ ფეხბურთელების შემთხვევაში დამოკიდებულებასა და მენტალიტეტს უფრო დიდი მნიშვნელობა აქვს ვიდრე სახელს.

ფაქტია არც ბალდე და არც კუნდე ხელშეუხებელი ფეხბურთელები აღარ არიან. ბევრი კარგი თვისება აქვს ორივეს, მაგრამ წინა წელს რატომაც ჩააგდეს სეზონი აშკარად მათი დამოკიდებულების ბრალი იყო, ვინაიდან როგორც კი კანსელუმ და გარსიამ ჩაანაცვლეს, ეგ გამოჩნდა პირველ რიგში.

ფაქტია ფლიკი ყოველდღე აკვირდება მათ თამაშს და მაშინ როცა ინტერვიუში ბალდეზე ამბობს რომ ტვინშია დასალაგებელი და ამიტომაც დავტოვე გუნდს მიღმაო, ესე იგი, სერიოზულ პრობლემასთან გვაქვს საქმე და არა უბრალოდ ფორმიდან ამოვარდნასთან ხო?!
ჩემი აზრით ბალდე დაფიქრდა გუნდიდან წასვლაზე მას მერე რაც კანსელუ გავიფორმეთ, ამიტომაც თქვა ფლიკმა რომ ისეთი ფეხბურთელები მინდა მყავდეს, რომლებიც კონკურენციისთვის მზად არიან და ბოლომდე ბრძოლა უნდა დამანახონო, მომდევნო დღეს კი უკვე ეგ თქვა ბალდეზე რაც ზემოთ ვახსენე.
ჩემი აზრით ბალდეს ტრანსფერი გადაწყვეტილია და ახლა უბრალოდ შესაფერის კლუბსა და ფინანსურ სქემებს ეძებენ..

ხოლო რაც შეეხება კუნდეს, მთელი ზაფხულია იწერება რომ ხან არსენალი ინტერესდება, ხან ბაიერნი, ხან ლივერპული და ა.შ. დადონ 80+ მილიონი და წაიყვანონ, არ მეწყინება.
პროსტა ბალდესგან განსხვავებით კუნდეზე აქამდე ის მაინც ვრცელდებოდა რომ ბარსა უყვარს და გუნდის ერთგული ჩანს, თორე ვარიანტები საკაიფო აქვს. აი ახლა კი როცა უთხრეს რომ გარსია იქნება ძირითადიო, ყველაზე საინტერესო რამ იწყება.
მე პირადად ორივეს გავყიდდი, სადღაც 130 მილიონს ამოვაგდებდი და ლუკებას დავიმატებდი, ხოლო აქეთ ესპარტს მივცემდი შანსს, რადგან რაც მე მაგ ბიჭში ჯერ კიდევ ნიუკასლთან, მერე პრესეზონზე და მერე გუშინ დავინახე, აი რავიცი რა ვთქვა.. ლამასიადან ლამის ყველა გაჰაიპდა, ჩემი აზრით ბევრი ზედმეტადაც, გინდა ბერნალი, გინდა კორტესი, გინდა ტუნკარა.. მართლა უდავოდ საოცარი ტალანტები არიან, მაგრამ ესპარტში დავინახე სრული მზაობა და ამის გამო მივცემდი შანსს ამ სეზონიდანვე რადგან მგონია რომ რაც დავინახე არის როგორც მენტალური, ისე ფიზიკური მზაობა, თავდადება, შრომა, ტემპი, მრავალმხრივობა და რავიცი..
რა თქმა უნდა, სახელებსაც აქვს მნიშვნელობა, მაგრამ ტიპი მხოლოდ სახელი იყოს დარჩენილი და მოედანზე *ლეობას თამაშობდეს, ეგრეც არ გამოვა.
ხოდა ფაქტია აღარც ბალდეს და აღარც კუნდეს აღარ ენდობიან, ერთს კანსელუ ანაცვალეს, მეორეს კი – გარსია, აქედან გამომდინარე სანამ მაგ ორს ფასი აქვს, სჯობს რომ სარფიანად გაიყიდონ, ჩვენ კი იმათ მივენდოთ ვისაც აქ ყოფნა მართლა მთელ ცხოვრებად უღირთ და ამ გუნდისთვის მოკვდებიან.
ის რაც კანსელუმ აქ მოსასვლელად გააკეთა და ის რასაც ესპარტი აჩვენებს, ესაა ზუსტად რაც მე მინდა როგორც ფანს რომ ყოველ თამაშში დავინახო. შეიძლება მსოფლიოში საუკეთესოები არ არიან, მაგრამ მსგავს თავდადებასა და სისტემურობას, ტალანტთან ერთად აბსოლუტურად შეუძლია რომ სწორი სტრუქტურა შექმნას, სადაც გუნდი გამართული იქნება და შედეგებთან ერთად ამ ხალხის რეპუტაციაც საგრძნობლად გაიზრდება.

ასე ვფიქრობ მარტინთან დაკავშირებითაც.
ტიპს მოედანზე შეხედავ და მშვენივრად თამაშობს, პრესაში კი მასზე არაფერი იწერება, მაშინ როცა ძალიან დიდი რედემფშენი განიცადა რაფინიას მსგავსად, უბრალოდ თითქოს ძალიან დიდი მომენტია საჭირო იმისათვის რომ ხალხმა აღიაროს ვიღაცის განსაკუთრებულობა, როგორც ახლა მაგალითად კუბარსიზე მოხდა, არადა შე კაი ადამიანო, ჩართე თამაში და უყურე..
კაკრას წინა სეზონის ბოლოს ვნახე სტატები და მარტინი, ბასტონისა და შლოტერბეკს არათუ ჩამოუვარდებოდა, არამედ ბევრ კომპონენტში აღემატებოდა კიდევაც, განსაკუთრებით ბასტონის და აქ ხალხი გადაფსიხებული იყო ბასტონის დამატებაზე, მაშინ როცა ვიძახდი რომ პროფილურად და მენტალურად არ იყოს კარგი გადაწყვეტილება მაგისი დამატება. ასე იფიქრა ფლიკმაც და სწორედ მის გამო ჩაიშალა ეგ ტრანსფერი, შლოტერბეკი ძალიან ტრავმიანია და ვერ ენდობი, ლაპორტი მინდოდა ერთადერთი გამოცდილების გამო და ბილბაოს კი მოუთხრია 80მ ხოდა აღარ მინდა ბატონო..
ლუკებაზე კარგა ხანია რაც იწერება და ჩემი აზრით კარგი ვარიანტია იქედან გამომდინარე რომ 2 პოზიციას ფარავს, ჩემი აზრით ამ მომენტში საფულბექე მონაცემები უფრო აქვს და კანსელუსთან და მარტინთან კარგად დაგვიბალანსებდა სიტუაციას.

ასე რომ დავაფასოთ ის რაც გვაქვს და შევქმენით!

ჯერ კიდევ 14 წლის იყო იამალი 2 წელი მის ამოსვლას რომ ვაწურინებდი, მახსოვს გამპერზე ტოტენჰემთან რეებიც ქნა, მაგ დღიდანვე უკვე ვიცოდი რასთანაც გვქონდა საქმე. მახსოვს კუბარსის დებიუტი და კუნდეზე ასისტი, უკვე ვიცოდი რომ დიდი ტალანტი გავზარდეთ, მახსოვს ფერმინის დებიუტი რეალთან პრესეზონზე და ცხადზე ცხადი იყო რა გველოდებოდა, მახსოვს ბერნალის დებიუტი ლა ლიგაში და ის სიმშვიდის შეგრძნება რაც მომანიჭა და მახსოვს ესპარტის დებიუტი ნიუკასლთან და თავიდანვე ვიგრძენი რომ საქმე მორიგ დიდ ამბავთან გვქონდა, რადგან მისმა თავდადებამ და დაცვითმა უნარებმა 2 წამში გამაკვირვა.
აქვე აღსაღნიშნია რომ რაც მარტინმა და გარსიამ გააკეთეს ბოლო სეზონში, ჩემთვის არანაკლებ უდიდესი რედემფშენია, როგორც რაფინია. მაგ ორის დებიუტიც მახსოვს და გარსია დიდი არაფერი, მარტინი კი ფულბექად მართლა კატასტროფა იყო, მაგრამ აი მახსოვს მარტინის დებიუტი ცენტრში, ხოლო გარსიას დებიუტი მარჯვნივ და ის შეგრძნება რომ ფაზლში რაღაცეები სწორად ჩაჯდა.

მოკლედ უაზრო ჰაიპსა და სახელების რახარუხს არ უნდა გადავაყოლოთ ჩვენი პოტენციალი, გუნდში ნამდვილი საბადო გვაქვს ლამასიას სახით და თუკი მწვრთნელი ხედავს რომ დამოკიდებულებებში დიდი სხვაობაა და ვიღაცეები ბარსაში თამაშზე დარწმუნებულები არ არიან, ან საკმარისად არ ინდომებენ, სულ რომ იამალები იყვნენ, აუცილებლად გასაშვებები არიან, რადგან გუნდი უნდა გუნდობდეს და კონკრეტულ ფეხბურთელებზე არ უნდა იყოს ჩამოკიდებული. აგერ პსჟს მბაპე გაექცა და 2 ჩლ დემბელეებითა და დუეებით მიაწყვეს, მაქედან ვინმე ჯობია მბაპეს? ან რეალის შემადგენლობაზე უკეთესი დღეს ბევრს ყავს? თუნდაც ჩვენ? არა ხო? მაგრამ 2 სეზონია ეგენი რჩებიან უტიტულოდ, მაშინ როცა ჩვენ 5 ჩავიჯიბეთ ამ ბიჭებით და ესეიგი დასაფიქრებელია ის ამბავი რომ ტიტულებს ინდივიდები კი არა გუნდები, სისტემა და მწვრთნელი იგებს! ასე რომ ვინც ბარსასთვის ბოლომდე იხარჯება და ვისაც შესაბამისი უნარები აქვს რომ ამ სისტემაში სწორად ინტეგრირდეს, გინდა მარტინი ერქვას და გინდა დიპლიპიტო, მთავარია საქმეს ადგებოდეს და დღის ბოლოს შედეგი დადოს, ჯერჯერობით კი 1 წესიერი არგუმენტი არ მომეძებნება იმისა რომ ბალდე ან კუნდე ამ ბიჭებს ვანაცვალო..