უარი რეალ მადრიდს! – როდრი ბარსელონას ფეხბურთელი გახდება | ჟერარ რომერო

ჟერარ რომერის ინფორმაციით, როდრი ერნანდესი რამდენიმე საათში ბარსელონას ფეხბურთელი გახდება – მან რეალ მადრიდი უარით გაისტუმრა და მოცდა აღარ სურს.

მატეო მორეტოს ცნობით, ბარსამ 2024 წლის ოქროს ბურთის გამარჯვებულთან კონტრაქტი უკვე შეათანხმა. რეალ მადრიდი ესპანელით კვლავ ინტერესდება, მაგრამ მისი პრიორიტეტი ბარსელონაა, რაც მადრიდულ გრანდში უკვე იციან. როდრის “ლოს ბლანკოსთან” შეთანხმება ჰქონდა, მაგრამ ესპანეთის ნაკრებში მისმა რამდენიმე ბარსელონელმა თანაგუნდელმა, მათ შორის, ლამინ იამალმა ფეხბურთელს აზრის შეცვლა ურჩია.

აღნიშნულს ფაბრიციო რომანოც ადასტურებს და დასძენს, რომ ბარსელონას სპორტული დირექტორი დეკუ მოლაპარაკებების გასამართად მადრიდში გაემგზავრა. ოფიცალური შეთავაზება უკვე როდრის აგენტის ხელშია და ამასთან, ბარსა მანჩესტერ სიტისაც უკვე დაუკავშირდა.

ფაბრის ჰოკინსის მტკიცებით, მანჩესტერ სიტის როდრიში €80 მილიონი სურს, მაგრამ, იმის გამო, რომ კლუბებს კარგი ურთიერთობა აქვთ, შესაძლოა, €60-70 მილიონი საკამრისი იყოს. პეპ გვარდიოლას გამო მხარეები ერთმანეთს დიდ პატივს სცემენ.

Sport-ის თქმით, ფრენკი დე იონგის ხანგრძლივი ტრავმის გამო, როდრი ბარსელონასთვის პრიორიტეტი გახდა. პლუს, კატალონიური გრანდი ესპანელ საყრდენს სატრასფერო ფანჯარაზე უნიკალურ შესაძლებლობად ხედავს, რადგან მას ოქროს ბურთის გამარჯვებულის სტატუსი აქვს და სიტისთან კონტრაქტი 1 წელში ეწურება. როდრის ჰანსი ფლიკმაც დაურეკა, რომ ფეხბურთელი დაერწმუნებინა.