ჰანსი ფლიკის პრესკონფერენცია ალავესთან მატჩის წინ

“ბარსელონას” მთავარმა მწვრთნელმა ჰანსი ფლიკმა ესპანეთის ჩემპიონატის 36-ე ტურის მატჩში “ალავესთან” სტუმრად დაპირისპირების წინ პრესკონფერენცია გამართა.

ფლიკის “ბარსამ” ზედიზედ მეორედ ესპანეთის ჩემპიონობა უკვე დაისაკუთრა, მაგრამ სეზონი ჯერ არ დასრულებულა. “ბლაუგრანას” კიდევ 3 თამაში და ერთი ამბიციური მიზანი აქვს.

“გუნდს და მე 100 ქულა გვინდა და ამისთვის დარჩენილი სამივე თამაში უნდა მოვიგოთ”.

– განაცხადა გერმანელმა სპეციალისტმა პრესკონფერენციაზე.

ტიტულის მოგებითა და მამის გარდაცვალებით გამოწვეულ ემოციურად დატვირთულ ბოლო დღეებზე ჰანსიმ თქვა:

“ბოლო რამდენიმე დღის განმავლობაში მაჩვენეს, რომ სწორ ადგილას ვარ და ამას ვაფასებ”.

ფლიკმა უგულებელყო ინდივიდუალური ჯილდოები (სამორა და სარა) და გუნდი გამოარჩია:

“მნიშვნელოვანი გუნდია. ყველა ინდივიდუალური მიღწევა გუნდის კარგად თამაშის შედეგია”.

ჰანსიმ უარი თქვა საკუთარ მომავალზე საუბარზე. ჯერჯერობით არანაირი ლაპარაკი არაა მომსვლელ ან წამსვლელ ფეხბურთელებზე. ამ ეტაპზე დარჩა კიდევ 3 მატჩი, შესაძლო 100 ქულა და შანსი, რომ 2025/26 წლების სეზონი კიდევ უფრო განსაკუთრებული გახდეს.