”ბარსელონას” ხელმძღვანელობას უკვე გადაწყვეტილი აქვს ზაფხულის სატრანსფერო ფანჯარაზე ვიქტორ ვალდესის გაყიდვა, იტყობინება ესპანური პრესა.
ამ დღეებში ესპანელი მეკარის აგენტი, ხინეს კარვახალი კლუბის წარმომადგენლებს ამ საკითხის გარკვევისთვის შეხვდა. ორივე მხარე ცდილობს ამ პრობლემის რაც შეიძლება მალე მოგვარებას.
შეგახსენებთ, რომ ვიქტორ ვალდესის კონტრაქტი ”ბარსელონასთან” 2014 წლამდეა გათვლილი, თუმცა მან უკვე არაერთხელ განაცხადა რომ კლუბის დატოვება სურს. ვალდესით დაინტერესებულია ინგლისური გრანდი – ”არსენალი”.



