”ბარსელონას” ცენტრალური მცველი, კარლეს პუიოლი მუხლზე ჩატარებული ოპერაციის შემდეგ აღდგენითი კურსის დაჩქარებას აპირებს.
კერძოდ კაპიტანმა გადაწყვიტა, რომ დღეში 2-ჯერ ივარჯიშებს. კარლესის სურვილია, რომ გუნდს მაისის დასაწყისში დაუბრუნდეს ან საერთოდ მოასწროს ჩემპიონთა ლიგის 1/2 ფინალური შეხვედრებისთვის დაბრუნება. ოპერაციის ჩატარების შემდეგ მან ფიზმომზადების მწვრთნელს, ხუანხო ბრაუს უთხრა, რომ აღდგენით კურსს მეორე დღიდან დაიწყებდნენ.
ფეხბურთელს ოპერაცია მუხლზე 16 მარტს ჩაუტარდა. ექიმების განცხადებით კარლესი სავარაუდოდ 4-8 კვირას იუქმებს, თუმცა აღდგენის ზუსტი თარიღი ცნობილი არ არის. მათი განცხადებით ყველაფერი კარლესზე იქნება დამოკიდებული.

