დღეს “მინიესტადიზე” გუნდის ღია ვარჯიში გაიმართა. 13.855 გულშემატკივარი ადევნებდა თვალს პირველი გუნდის მოთამაშეების ვარჯიშს.
ფეხბურთელებს დავალებებს ჟორდი როურა აძლევდა, ტიტო ვილანოვამ არ ისურვა ყურადღების მასზე გადატანა და ამიტომაც დღევანდელ სესიას არ დასწრებია. მწვრთნელი სამუშაოს “ნოუ კამპის” ოფისში ასრულებდა.
ადრიანო უსაფრთოების მიზნით არ დაიტვირთა
გუნდმა თავიდან გახურება და ბურთის გათამაშება დაიწყო. ადრიანომ ამ დროს ქუსლში დაზიანება მიიღო და უსაფრთხოების მიზნით ვარჯიში არ გაუგრძელებია. გულშემატკივრები დიდი აპლოდისმენტებით შეხვდნენ ერიკ აბიდალს, რომელიც განცალკევებით ვარჯიშობდა. ვიქტორ ვალდესი ინდივიდუალური პროგრამით ვარჯიშობდა, ხოლო გუნდთან ერთად ოიერი იმყოფებოდა.
სავარჯიშო სესიის შემდეგ ფეხბურთელებმა გულშემატკივრებს ბურთები აჩუქეს, ზოგიერთებს კი გაუმართლათ და საყვარელ მოთამაშეებთან ერთად სურათის გადაღების საშუალება მიეცათ.
[media=http://www.youtube.com/watch?v=el-lLh7iLkY]
სურათები:
