– 4 წლის განმავლობაში ეს ყველაზე დიდი გამარჯვება იყო ”ბარსასთვის” თასის პირველ შეხვედრაში. 2007/08 სეზონში გუნდმა ასევე 3:0 დაამარცხა ”ალკოიანო”.
– ნოლზე დასრულებული მატჩები სათასო შეხვედრისთვის კანონზიმოიერება ხდება. გუნდს უკვე სამეფო თასის სასტარტო 6 შეხვედრაში არ გაუშვია გოლი (”ალკოიანი” 0:3, ”ბენიდორმი” 0:1, ”კულტურალი” 0:2, ”სეუტა” 0:2, ”ოსპიტალეტი” 0:1 და ”ალავესი” 0:3).
– გუნდმა მეხუთედ მოიგო თასის პირველი შეხვედრა ანგარიშით 3:0. ყველა შემთხვევაში კატალონიური გუნდი შემდეგ ეტაპზე გავიდა.
– სესკმა ”ალავესის” კარის დალაშქვრა მოახერხა და უკვე 5 ბურთი დაუგროვდა ბოლო 6 შეხვედრაში (”სევილია” – 2, ”ბენფიკა”, ”რაიო” და ”ალავესი”).
– სერხი რობერტო, რომელიც ძირითად შემადგენლობაში იყო მიმდინარე სეზონში პირველად გამოჩნდა მოედანზე. მან მოედანზე 90 წუთი გაატარა, 74 გადაცემიდან კი 69 ზუსტი იყო.
– კიდევ ერთი ფეხბურთელი, რომელსაც მიმდინარე სეზონში დებიუტი ჰქონდა ხოსე მანუელ პინტოა. მოედნიდან ინიესტას გასვლის შემდეგ კაპიტნის სამკლავური მას გადაეცა.
– მიმდინარე სეზონში პირველი გატანილი გოლის შემდეგ (”სელტიკთან” ჩემპიონთა ლიგაში) ანდრეს ინიესტამ კვლავ მოახერხა მეტოქე გუნდის კარის დალაშქვრა.
– ვილიას ფორმა უმჯობესდება და ”რაიოსთან” მატჩის მსგავსად მან გუშინ კვლავ შეხვედრის პირველი გოლი გაიტანა. ის საშუალოდ გოლს ყოველ 73 წუთში ერთხელ იტანს.
– ხავიერ მასკერანომ გუშინდელ შეხვედრაში ყველაზე მეტჯერ დაიბრუნდა ბურთი (16). არგენტინელმა ასევე ყველაზე მეტი გადაცემა (95 პასი) გააკეთა.
– გუშინდელ შეხვედრაში გოლის გატანა დავიდ ვილიამ და სესკ ფაბრეგასმა მოახერხა. ისინი გუნდის მე-2 საუკეთეს გოლეადორები არიან. მათ 5-5 გოლი აქვთ გატანილი, ხოლო 17 ბურთით პირველ ადგილზე ლეო მესია.
– ალვესი მადრიდის ”რეალთან” მიღებული ტრავმის შემდეგ დაუბრუნდა გუნდს. ბრაზილიელი ძალიან აქტიური იყო და საჯარიმოში ბურთი 13-ჯერ ჩააწოდა, როცა სესკს, მონტოიას და სანჩესს მხოლოდ თითო-თითო ჩაწოდება აქვთ.
