სერხიო ბუსკეტსი ლონდონის ოლიმპიურ თამაშებში ესპანეთის ნაკრებში არ ითამაშებს. ”El País”-ში გამოქვეყნებული ინფორმაციის თანახმად თავად ფეხბურთელმა ოლიმპიური ნაკრების მთავარ მწვრთნელს, ლუის მილას ამცნო, რომ ტურნირში მონაწილეობას ვერ მიიღებს.
ბუსკეტსმა ეს გადაწყვეტილება იმით ახსნა, რომ მას შესარჩევ თამაშებში მონაწილეობა არ მიუღია, ამიტომაც არასამართლიანი იქნება ტურნირის ფინალურ ეტაპზე ასპარეზობა. ასევე ფეხბურთელს დატვირთული სეზონის და ევროპის ჩემპიონატის შემდეგ დასვენება სჭირდება.



