”ბარსელონამ” შაბათს, მადრიდის ”რეალთან” გასამართ შეხვედრაში შეიძლება ალექსის სანჩესის გარეშე ითამაშოს. თავდამსხმელი აშკარად კოჭლობდა, როდესაც გუნდი ლონდონიდან ბარსელონას აეროპორტში დაეშვა.
ალექსის სანჩესმა გუშინ დარტყმა ჯონ ტერისგან მიიღო. ჩილელი ფეხბურთელი პირველი იყო, რომელმაც გუშინდელ შეხვედრაში მოედანი დატოვა და მის ნაცვლად სათამაშოდ პედრო როდრიგესი შევიდა.
დღეს ფეხბურთელი დამატებით გამოკვლევებს ჩაიტარებს, ჯერ-ჯერობით კი მისი თამაში კლასიკოში საეჭვოა.



