ზემოთ შემოთავაზებული საინტერესო და ზედმეტად დამაბნეველი სიტყვები შეიძლება ითქვას, რომ არის ამონარიდი 2023 წლის ყველაზე პოპულარული სპორტული ჟურნალიდან. დარწმუნებული ვარ, ბევრი შემეკამათება და მართლებიც იქნებიან, რადგან მომავალს ვერავინ განსაზღვრავს და არავინ იცის რა მოხდება, თუმცა ჩემი დღევანდელი გადასახედიდან ყველაფერი 100%–თ თუ არა, 90%–თ მაინც გამართლდება.
მთელი მსოფლიო ხედავს, თუ როგორ იხრჩობა ბოღმისაგან ფეხბურთის ღმერთად წოდებული პელე. კვირა არ გავა მან ახალ–ახალი და გრანდიოზულად საინტერესო განცხადებები რომ არ გააკეთოს. მისთვის ნეიმარი უფრო ძლიერი ფეხბურთელია, ვიდრე მესი. ამაზე მას მარადონამ ჩინებული პასუხი გასცა: “ნეიმარი იმ შემთხვევაშია დედამიწაზე საუკეთესო, თუ მესის ამ პლანეტის ფეხბურთელად არ ჩავთვლით.” გასაგებია, რომ ყველას თავისებური შეხედულება აქვს ამა თუ იმ ფაქტზე და ყველას საკუთარი ფავორიტი ფეხბურთელი ჰყავს, თუმცა როდესაც ასეთ ხმამაღალ განცხადებას აკეთებ, ამისათვის საჭირო არგუმენტებიც უნდა გაგაჩნდეს, რაც ბრაზიელ “პროფესორს” თავისდა სამწუხაროდ არ მოეპოვება!
შური ძალიან ცუდია და წესით პელეს ეს არ უნდა ესწავლებოდეს. თავის დროზე მისიც ბევრს შურდა და ახლა თავადაც ამას არ უნდა აკეთებდეს. როდესაც ხარ ფეხბურთის მეფედ წოდებული, 24 წლის ბიჭის კარგი თამაშით დაგროვებული ბოღმა არ უნდა გახრჩობდეს. ედსონ არანტეშ დუ ნასიმენტუმ თავისივე კომენტარებით თავისივე თავი დაიმცირა და ამას თითქმის ყველა ადამიანი კარგად ხედავს. თავად სენიორ მესი ყურადღებას არაფერს და არავის აქცევს, კიდევ უფრო და უფრო უმატებს და რეკორდს რეკორდზე ამხობს. იგი ამით თავადაც იღებს სიამოვნებას და სხვასაც ასიამოვნებს.
საზოგადოებას მხოლოდ ერთს ვურჩევ: დატკბით სანამ დრო გაქვთ, დატკბით! მოიშორეთ შური, ბოღმა, ზიზღი, სიძულვილი და დააფასეთ ის, ვინც დაფასებას ნამდვილად იმსახურებს; ლიონელ მესი სწორედ დასაფასებელ ადამიანთა სიას მიეკუთვნება!



