“ბარსელონას” ერთ-ერთი ლიდერის, ჩავი ერნანდესის განცხადებით, თუ ლიონელ მესიმ უახლოეს მომავალში თამაშს არ უკლო, იგი მსოფლიოს ყველა დროის საუკეთესო ფეხბურთელი აუცილებლად გახდება.
ვინ არის ყველა დროის საუკეთესო ფეხბურთელი? – ასეთი კითხვა დაუსვა ჩავის UEFA-ს ვებგვერდის ერთ-ერთა მომხმარებელმა. “ბარსას” მე-6 ნომრის პასუხი ასეთი იყო: “ეს ძალიან რთული კითხვაა, რადგან პასუხის გასაცემად სხვადასხვა დროს მოთამაშე ფეხბურთელების შედარებაა საჭირო. თუ უახლოეს მომალვაში არაფერი შეიცვალა, ყველა დროის საუკეთესო ფეხბურთელი აუცილებლად ლიონელ მესი გახდება. მოვლენები ძალიან სწრაფად ვითარდება – მესი დღეს აკეთებს იმას, რასაც მარადონა 20 წლის წინ აკეთებდა. იგი თამაშობს როგორც პელე, კრუიფი და დი სტეფანო ამას თავიანთ საუკეთესო წლებში აკეთებდნენ. ვთვლი, რომ მესის აქვს შანსი საუკეთესო გახდეს”.



