მესიმ დღევანდელი ვარჯიში გამოტოვა

“ბარსელონას” კაპიტანს, ლიონელ მესის, რომელიც მუხლის პრობლემებს განიცდის, დღეს თანაგუნდელებთან ერთად არ უვარჯიშია, იტყობინება Sport.

წყაროს ინფორმაციით, არგენტინელი სავარჯიშო დარბაზში აღდგენით სამუშაოებს ასრულებდა.

შეგახსენებთ, რომ მესიმ ტრავმა ესპანეთის ჩემპიონატის გასული ტურის მატჩში, “ვალენსიასთან” (2:2) მიიღო, რის გამოც, “რეალთან” მატჩში (1:1) მოედანზე სათადარიგოთა სკამიდან შევიდა.

ჯერ-ჯერობით უცნობია, იქნება თუ არა ლეო მზად “ატლეტიკთან” მატჩისთვის, რომელიც 10 თებერვალს, ბილბაოში შედგება.

არის ასევე კარგი სიახლეც – ვარჯიშს ტრავმირებული სამუელ უმტიტი დაუბრუნდა, რომელსაც ნოემბრის შემდეგ არ უთამაშია. ფრანგმა გუნდთან ერთად რამდენიმე სამუშაო შეასრულა.