”ბარსელონას” პირველი გუნდი უკვე გერმანიაში იმყოფება, სადაც ხვალ ჩემპიონთა ლიგის 1/8 ფინალის შეხვედრაში ლევერკუზენის ”ბაიერს” დაუპირისპირდება. ტემპერატურა -1 გრადუსია.
დღეს 9:30 საათზე გუნდი ”ნოუ კამპზე” შეიკრიბა და ”ეს პრატის” აეროპორტში გაემართა. თვითმფრინავი გერმანიისკენ 10:30 საათზე გაფრინდა და 1 საათის შემდეგ უკვე ადგილზე იყო. კიოლნში დილით თოვდა, გუნდის ჩაფრენის დროს კი ტემპერატურა -1 გრადუსი იყო. გუნდი აეროპორტიდან სასტუმრო ”Hyatt Recency”-ში გაემართა.
ექსპედიციის წევრები
გუნდის 22 ფეხბურთელთან ერთად გერმანიაში გაემგზავრენ კლუბის პრეზიდენტი, სანდრო როსელი, დირექტორთა საბჭოს წევრები, რამონ პონტი, სილვიო ელიასი, ხოსე რამონ ვიდალ-აბარკა და სპორტული დირექტორი, ანდონი სუბისარეტა.
დღის მეორე ნახევარში პრეს-კონფერენცია და ვარჯიში
18:15 საათზე პეპ გვარდიოლა და დანი ალვეში ჟურნალისტებისთვის პრეს-კონფერენციას გამართავენ. ამის შემდეგ, 19 საათზე ”ბარსელონა” ვარჯიშს გამართავს.
