კატალონიის “ბარსელონაში” გადაწყვიტეს, რომ გუნდს მესამე მეკარე ჰყავდეს და ეს “ბარსელონა ბ-ს” კიპერი, ოიერ ოლაზაბალი იქნება.
მომავალი სეზონიდან კლუბს სურს, რომ განაცხადში 3 მეკარე ჰყავდეს და ოიერთან უკვე მიაღწიეს შეთანხმებას. ახალგაზრდა კიპერი ზაფხულში 3 წლიან კონტრაქტს გააფორმებს “ბლაუგრანასთან”. ოიერ ოლაზაბალი ვალდესს და პინტოს შეუერთდება. პეპ გვარდიოლას ექნება შესაძლებლობა, რომ ორის ნაცვლად სამი მეკარე გამოიყენოს პირველ გუნდში. ცნობისთვის ამ სეზონში, პეპმა ჩემპიონთა ლიგის ერთ-ერთ შეხვედრაში, ოლაზაბალი შეიყვანა განაცხადში. ოიერი ასევე პირველ გუნდთან ერთად იმყოფებოდა, 2011 წლის ბოლოს გამართულ მსოფლიოს საკლუბო ჩემპიონატზე.
