“ბარსელონამ” ახალ “სპოტიფაი კამპ ნოუზე” პირველად ესპანეთის ჩემპიონატის მე-13 ტურის მატჩში “ბილბაოს” უმასპინძლა და როგორც მოსალოდნელი იყო, დამაჯერებლად მოიგო. მასპინძლებმა სტუმრებს გამანადგურებელი ანგარიშით 4-0 სძლიეს.
4-0, ახალი სტადიონი, ფანები – ყველაფერი იდეალური იყო. ამ მატჩისთვის ძალიან კარგად მომზადებულები ვიყავით.
კარის მშრალად შენახვა ჩვენთვის მნიშვნელოვანია. ეს თავდაჯერებულობას გვმატებს.
ვფიქრობ, მატჩს ვაკონტროლებდით, გოლი საჭირო დროს გავიტანეთ და საბოლოოდ, გამარჯვება დავიმსახურეთ.
მწვრთნელისთვის ერიკ გარსიას მსგავსი მოთამაშის ყოლა განსაკუთრებული რამ არის.
რა თქმა უნდა, ყოველთვის ბედნიერი ვარ, როდესაც კარს მშრალად ვინახავთ, მაგრამ, საბოლოო ჯამში, მნიშვნელოვანი მატჩების მოგებაა და დღეს ეს გავაკეთეთ.
ბალდე კარგადაა. მეორე ტაიმში მის მიმართ უბრალოდ სიფრთხილე გამოვიჩინეთ.
ყოველთვის მინდოდა, “ბარსა” “კამპ ნოუზე” გამეწრთვნა. როდესაც გერმანიაში ვიყავი, გამუდმებით ამაზე ვფიქრობდი. გულშემატკივრობა წარმოუდგენელია. ოცნება ავისრულე.
ვფიქრობ, ლევანდოვსკი ბოლო დეკადის საუკეთესო თავდამსხმელია.
ვარჯიშებზე მარტინი ცენტრალურ მცველად გამოვცადეთ. ჟერარმა ამას თავი ძალიან კარგად გაართვა.
– განაცხადა “ბარსას” მთავარმა მწვრთნელმა ჰანსი ფლიკმა “ბილბაოსთან” დაპირისპირების შემდეგ.
ჩელსზე არაფერს ამბობენ ? კარზეა მომდგარი თამაში და არაფერი გაუცხადებიათ?
ახალ კამპ ნოუზე უნდა დაიწყოს ახალი ეპოქა.