სერჟიო ბუსკეტსი კარიერას ასრულებს

“ბარსელონას” 37 წლის ლეგენდის, “ინტერ მაიამის” ამჟამინდელი საყრდენი ნახევარმცველის, სერჟიო ბუსკეტსის საფეხბურთო კარიერის დასასრული ახლოვდება.

COPE-ს ინფორმაციით, ბუსკეტსი კარიერის დასრულებას აპირებს და ამას მალე დააანონსებს. ივარაუდება, რომ ის ფეხბურთს ნოემბერში გამოემშვიდობება.

ბუსკეტსი “ბარსას” სკოლის აკადემიის აღზრდილია. ის კატალონიელთა პირველ გუნდში 2008 წელს გამოჩნდა. სერჟიომ “ბლაუგრანა” 2023 წლის ზაფხულში დატოვა და “ინტერ მაიამიში” გადავიდა.

ბუსკეტსმა “ბარსელონას” მაისურით 722 მატჩი ჩაატარა, 18 გოლი გაიტანა, 46 ასისტი გააკეთა და 32 ტიტული მოიგო: 3 ჩემპიონთა ლიგა, 3 მსოფლიოს საკლუბო ჩემპიონატი, 3 ევროპის სუპერ თასი, 9 ესპანეთის ჩემპიონატი, 7 ესპანეთის თასი, 7 ესპანეთის სუპერ თასი, 2 კატალონიის თასი, 2 კატალონიის სუპერ თასი.