ბარსელონას ოფიციალურ ფანკლუბში გაწევრიანება იწყება

“ბარსელონას” ქართველი გულშემატკივრებისთვის კარგი ამბავი გვაქვს.

ტექნიკური პრობლემა, რომელიც “ბლაუგრანას” 2 წელიწადზე მეტი დროის განმავლობაში ჰქონდა, მოგვარებულია და “ბარსას” ოფიციალურ ფანკლუბში გაწევრიანება უკვე საქართველოდანაცაა შესაძლებელი. ეს ნიშნავს, რომ ჩვენს ოფიციალურ ფანკლუბს აქტიურად ფუნქციონირების გაგრძელების საშუალება ექნება.

ფანკლუბში გასაწევრიანებლად საჭიროა, რომ ჯერ დარეგისტრირდეთ “ბარსელონას” მიერ შექმნილ პორტალზე, შემდეგ კი შემოუერთდეთ ჩვენს ფანკლუბს – Penya Blaugrana Tbilisi.

საიტზე დარეგისტრირება

1. შედიხართ საიტზე myaccount.fcbarcelona.com/penyistes;
2. შეგყავთ თქვენი ელექტრონული ფოსტის მისამართი, რომელზეც მიიღებთ ვერიფიკაციის კოდს. აჭერთ ACCEPT AND CONTINUE;
3. მონიშნავთ I confirm that I have read and accept the FC Barcelona Terms of use and Privacy Policy და შეიყვანთ მეილზე მიღებულ ექვსნიშნა კოდს;
4. შეიყვანთ თქვენს სახელსა და გვარს (ინგლისურად, როგორც პასპორტში/პირადობის მოწმობაში ხართ), დაბადების თარიღს და აჭერთ ACCEPT AND FINISH.
5. დააჭერთ Penyista area;
6. დააჭერთ Continue;
7. მონიშნავთ I’m not a member და Continue;
8. შემდეგ გვერდზე თქვენი სახელი, გვარი, ელექტრონული ფოსტა და დაბადების თარიღი შევსებული იქნება. თქვენ უნდა აირჩიოთ სასურველი დოკუმენტი (ID ბარათი ან საზღვარგარეთის პასპორტი), შეიყვანოთ დოკუმენტის ნომერი (არა პირადი ნომერი), მონიშნოთ სქესი და თქვენთვის სასურველი კომუნიკაციის ენა და აჭერთ Continue;
9. შემდეგ გვერდზე შეგყავთ ინფორმაცია თქვენი მისამართის შესახებ და აჭერთ Continue;
10. შემდეგ გვერდზე ირჩევთ None და აჭერთ Continue;
11. შემდეგ გვერდზე ირჩევთ “ბარსელონაში” თქვენს ფავორიტ გუნდს და აჭერთ Continue.

რეგისტრაციის პროცესი დასრულებულია.

ფანკლუბში გაწევრიანება

1. რეგისტრაციის დასრულების შემდეგ გადადიხართ გვერდზე, რომელსაც ჰქვია My penyas. გვერდის ბოლოში აწვებით Add Penya;
2. ძებნის გვერდზე მეორე გრაფაში (Credential) შეგყავთ ჩვენი ფანკლუბის ნომერი – 2255 და აწვებით Search (გაითვალისწინეთ, რომ უნდა შეიყვანოთ მხოლოდ ფანკლუბის ნომერი, სხვა ველების შევსება საჭირო არაა);
3. აჭერთ Penya Blaugrana Tbilisi-ს;
4. აჭერთ Join;
5. მონიშნავთ in order to registre as a Penyista we need you to accept the specific privacy policy და აჭერთ Continue.

ამის შემდეგ თქვენი განაცხადი ჩვენთან იგზავნება და ფანკლუბის მენეჯერი დაადასტურებს მას.

გაითვალისწინეთ: ფანკლუბის მენეჯერები თქვენზე ფლობენ მხოლოდ შემდეგ ინფორმაციას: სახელი, გვარი, დოკუმენტის ნომერი. თქვენი სხვა პერსონალური ინფორმაცია ჩვენთვის ხელმისაწვდომი არაა.

ფანკლუბის წევრობის უპირატესობები

“ბარსელონას” ოფიციალური ფანკლუბის წევრობას აქვს გარკვეული უპირატესობები, რომლებიც თანდათანობით იზრდება. ამ მომენტისთვის ეს უპირატესობებია:

• “ბარსელონას” მიერ მოწყობილ გათამაშებებში მონაწილეობის მიღების უფლება;
• მამაკაცების ფეხბურთის პირველი გუნდის გარდა “ბარსელონას” სხვა გუნდების თამაშებზე უფასოდ ან 5%-დან 70%-მდე ფასდაკლებით დასწრება (დეტალური ინფორმაცია);
• 25%-იანი ფასდაკლება “ბარსელონას” მუზეუმის ტურზე (დეტალური ინფორმაცია);
• 5%-იანი ფასდაკლება “ბარსელონას” ოფიციალურ მაღაზიებში (დეტალური ინფორმაცია);
• ოფიციალური ფანკლუბის წევრობის დამადასტურებელი ციფრული ბარათი;
• “ბარსელონას” გასვლით თამაშებზე ბილეთების შეძენისა და ფანკლუბის სექტორში ყოფნის შესაძლებლობა.