ბარსელონა-დორტმუნდი – გავის მატჩისწინა პრესკონფერენცია

ხვალინდელ მატჩს მოუთმენლად ველი. ეს ჩემი პირველი მეოთხედფინალი იქნება. გამარჯვებისთვის ვიბრძოლებთ.

მე და ფლიკი ძალიან ახლოს ვართ. ჩვენ ერთმანეთის კარგად გვესმის. მან იცის, რომ სერიოზული ტრავმა მოვირჩინე და დაბრუნება რთულია. ჰანსი მენდობა. ბედნიერი ვარ, რომ მისნაირი მწვრთნელი მყავს.

ვფიქრობ, ნახევარდაცვის ნებისმიერ პოზიციაზე თამაში შემიძლია. ჰანსი ახლა უფრო გამთამაშებლად მხედავს. თუმცა, მან იცის, რომ მოქმედება საყრდენ ზონაშიც შემიძლია.

ბრწყინვალე სეზონს ვატარებთ. არ ვგრძნობთ, რომ დაუმარცხებლები ვართ, რადგან ფეხბურთში ყოველთვის ვერ მოიგებ.

ფანები აღფრთოვანებულნი უნდა იყვნენ. თავდაუზოგავად ვშრომობთ, რათა გულშემატკივრები გავახაროთ.

როდესაც “ლა მასიაში” ხარ, ამ კლუბთან ერთად ტრებლის მოგებაზე ყოველთვის ოცნებობ. ყველაფრის მოგებას ვეცდებით.

ვფიქრობ, რომ დაბრუნების შემდეგ 100%-ით მზად ვარ. სხვა საქმეა ის, რომ ზოგიერთ თამაშში თავს უფრო კომფორტულად ვგრძნობ. მშვიდად ვარ და ჩემი თამაშით კმაყოფილი ვარ.

ბევრი ფიქრობს, რომ ფეხბურთის თამაში არ ვიცი, მაგრამ ეს არ მადარდებს.

რა თქმა უნდა, კარიერის “ბარსაში” დასრულებას ვისურვებდი, მაგრამ არასდროს იცი, რა იქნება. ფეხბურთში ბევრი რამ შეიძლება მოხდეს, მაგრამ ამას ხელს მოვაწერდი.

ტრავმის შემდეგ საერთოდ არ შევცვლილვარ. ჩემთვის მენტალიტეტი ძალიან მნიშვნელოვანია.

არ მაინტერესებს, ხალხი ჩემპიონთა ლიგის მოგების ფავორიტად მიგვიჩნევს თუ არა. ის, რაც უნდა გავაკეთოთ, “დორტმუნდის” დამარცხებაა.

კუნდე საკუთარ თავზე შესანიშნავად ზრუნავს. მან ზედიზედ 100 მატჩი ჩაატარა. ეს სიგიჟეა.

ბავშვობიდან ყოველთვის ყველა თამაშში სასტარტოში ვიყავი, მაგრამ ამ სეზონში ასე არაა. ფეხბურთი ასეთია. უნდა მივიღო, რომ ყოველთვის ძირითად შემადგენლობაში არ ვიქნები.