დანი ალვესი სასამართლომ გაამართლა

“ბარსელონას” ბრაზილიელი ლეგენდა დანი ალვესი უდანაშაულოდ ცნეს.

ალვესი, რომელსაც ბრალი სექსუალურ ძალადობაში ედებოდა, კატალონიის უზენაესმა სასამართლომ უდანაშაულოდ ცნო. ინფორმაციას COPE ადასტურებს.

დანი ალვესი “ბარსაში” თავდაპირველად – 2008-2016, შემდეგ კი 2021-2022 წლებში ირიცხებოდა. მან “ბლაუგრანას” მაისურით 431 მატჩი ჩაატარა და 26 ტიტული მოიგო: 3 მსოფლიოს საკლუბო ჩემპიონატი, 3 ჩემპიონთა ლიგა, 3 ევროპის სუპერ თასი, 6 ესპანეთის ჩემპიონატი, 4 ესპანეთის თასი, 4 ესპანეთის სუპერ თასი, 2 კატალონიის თასი, 1 კატალონიის სუპერ თასი.