ჰანსი ფლიკი თვის საუკეთესო მწვრთნელია

ლა ლიგამ ჰანსი ფლიკს მე-60 იუბილეზე საჩუქარი გაუკეთა. “ბარსელონას” გერმანელი სპეციალისტი თებერვლის თვის საუკეთესო მწვრთნელად დასახელდა.

“ბარსამ” ესპანეთის ჩემპიონატში ამ თვეში ოთხი მატჩი ჩაატარა და ოთხივე მოიგო. ფლიკის გუნდმა 8 გოლი გაიტანა და მხოლოდ ერთი ბურთი გაუშვა.

აღსანიშნავია, რომ “ბლაუგრანა” წელს დაუმარცხებელია. კატალონიელებს 2025 წელს 13 გამართული შეხვედრიდან 11 მოგება და 2 ფრე აქვთ.

ჰანსი ფლიკს თებერვლის თვის საუკეთესო მწვრთნელის წოდებისთვის კონკურენციას ხოსე ბორდალასი (ხეტაფე) და კარლოს კორბერანი (ვალენსია) უწევდნენ.