“მალიორკა” შეუერთდა გუნდთა იმ სიას, რომელიც გვარდიოლას ლუკმა გახდა. ლაპარაკია ანგარიშზე 5:0.
როგორც უკვე ყველამ იცით, გვარდიოლას საყვარელი ანგარიში 5:0_ია. მისმა ბიჭებმა ორი დღის წინ მისცეს მას საშუალება, კიდევ ერთხელ დაეგემოვნებინა ეს ანგარიში. 2008/09 წლებში კატალონიელებმა სამჯერ შესძლეს გამარჯვება ანგარიშით 5:0. მომდევნო სეზონში კი ეს რიცხვი საგრძნობლად გაიზარდა.
ყველაზე გემრიელი ლუკმა “ბარსასთვის” “რეალთან” მოგებული მატჩი იყო. “კამპ ნოუ”_ზე “ბლაუგრანელებმა” სამეფო გუნდს 5 უპასუხო გოლი გაუტანეს.
ამ სეზონში ფეხბურთელებმა გვარდიოლას პირი ოთხჯერ გაუტკბარუნეს, “ნაპოლიდან” დაწყებული “მალიორკათი” დამთავრებული.
