ჟოან ლაპორტას პრესკონფერენცია

თუ ყველაფერი გეგმის მიხედვით წარიმართება, “სპოტიფაი კამპ ნოუზე” დავბრუნდებით.

ჩვენს წინააღმდეგ შეტევები გრძელდება. როდესაც რაღაცები კარგად მიდის, “ნეგრეირას საქმე” თავს ისევ იჩენს.

3 წლის წინ კლუბში სარისკო და უკონტროლო სიტუაცია იყო. ვიმუშავეთ ეკონომიკური პრობლემების აღმოფხვრაზე, “სპოტიფაი კამპ ნოუზე” რეკონსტრუქციაზე, ინსტიტუციური პრესტიჟის აღდგენასა და “ლა მასიას” გაძლიერებაზე.

ყველაფერს ვუმკლავდებით და ვიმარჯვებთ. კლუბი ფინანსურად, სოციალურად და სპორტულად უკეთეს მდგომარეობაშია.

კონსტრუქციულ კრიტიკას ვიღებთ. ვგმობთ კრიტიკას, რომელიც კლუბის დესტაბილიზაციისკენაა მიმართული. მინდა იცოდეთ, რომ უფრო ძლიერები ვართ, ვიდრე ოდესმე.

ჰანსი ფლიკით ძალიან კმაყოფილები ვართ.

ფლიკს გამარჯვების მენტალიტეტი აქვს. ძალიან ბედნიერები ვართ და გუნდით ვამაყობთ. ვხედავთ, რომ ჩვენი პროექტის მთავარი ნაწილი “ლა მასიაა”.

დეკუთი და მისი გუნდით ძალიან კმაყოფილები ვართ. დღეს ჩვენი მწვრთნელი რომ ფლიკია, ეს დეკუს დამსახურებაა. ის შესანიშნავად მუშაობს.

დანი ოლმოს დამატებით, რაც ვთქვი, გამოჩნდა, რომ “ბარსა” უმაღლესი დონის ფეხბურთელის შესაძენად მზად იყო.

ახლა გვყავს გუნდი, რომლის სატრანსფერო ღირებულება 2021 წელთან შედარებით უფრო მაღალია. ასევე შემცირდა საშუალო ასაკი.

წელს დადებითი შედეგები გვექნება. სასპონსორო გარიგებებში ისტორიული რეკორდი დავამყარეთ. “ბარსა” ყოველთვის მისი წევრების მფლობელობაში იქნება.

Nike-თან კონტრაქტი მსოფლიო ფეხბურთში საუკეთესო იქნება. ხელშეკრულების ზაფხულში გაფორმება შეგვეძლო, მაგრამ არ ვიჩქარეთ.

1:1 სტანდარტს მალე დავუბრუნდებით.

სატრანსფერო ფანჯრით კმაყოფილები ვართ. ოლმო პრიორიტეტი იყო. დეკუმ გვითხრა, რომ ის გუნდს გააძლიერებდა და ასეცაა.

ნიკო უილიამსი? არ ვისაუბრებ იმ ფეხბურთელებზე, რომლებიც ჩვენ არ გვეკუთვნის. “ბილბაოს” პატივს ვცემთ.

ფელიში და კანსელუ? შემადგენლობის გაანალიზებისას გადავწყვიტეთ, რომ ახლა საუკეთესო გუნდი გვყავს. ჟოაუები “ბარსაში” იჯარით იყვნენ, რომლის ვადაც 30 ივნისს ამოიწურა. ისინი თავიანთი გზით წავიდნენ. ფელიში “ჩელსიშია”, კანსელუ კი “ალ ჰილალში”.

დღეს უიღბლო დღე გვქონდა, რადგან ფერმინ ლოპესმა ვარჯიშის დროს ტრავმა მიიღო. მან ამ ზაფხულს ბევრი ითამაშა.

მარკ ბერნალი უფრო ძლიერი დაბრუნდება.

ივარაუდება, რომ ფრენკი დე იონგი მალე დაბრუნდება.

1:1 სტანდარტის საშუალებით ოლმოს დარეგისტრირებას უპრობლემოდ შევძლებთ.

“ბარსა” არის კლუბი, რომელიც ქმნის და ყიდულობს ტალანტებს, ფეხბურთელების გაყიდვაზე არ ვფიქრობთ.

გიუნდოგანი შესანიშნავი ფეხბურთელი და ადამიანია. მან კლუბში ერთი ბრწყინვალე სეზონი გაატარა. გიუნდოგანისა და ფლიკის შეხვედრისა და გუნდში სიტუაციის შეფასების შემდეგ ილქაიმ წასვლა გადაწყვიტა. მისი წასვლა მხოლოდ და მხოლოდ სპორტულ მიზეზებს უკავშირდება.

1:1 სტანდარტის ამოქმედებამდე 60 მილიონი ევრო გვაშორებს.

ჩანს, რომ ლევანდოვსკი უფრო მოტივირებულია, ვიდრე ოდესმე. რობერტს ეს ახალი ბიძგი სჭირდებოდა.

ფლიკი გარსიას ენდობა. ბერნალის ტრავმის გამო ერიკს საყრდენის პოზიციაზე თამაშიც შეუძლია. გარსიას შეძენა “ჟირონასა” და სხვა კლუბებს უნდოდათ, მაგრამ ფლიკს მისი გუნდში ყოლა სურს.